თავის ტვინის სიმსივნე

რა არის თავის ტვინის სიმსივნე?

თავის ტვინის სიმსივნე არის უჯრედების არანორმალური ზრდა თავის ტვინში ან მის ახლომახლო ქსოვილებში. ზურგის და ტვინის სიმსივნეებს უწოდებენ ცენტრალური ნერვული სისტემის სიმსივნეებს.

თავის ტვინის სიმსივნე შეიძლება იყოს ავთვისებიანი ან კეთილთვისებიანი (არასიმსივნური).

საბედნიეროდ, ტვინის სიმსივნეების მხოლოდ ერთი მესამედი არის ავთვისებიანი. თუმცა მიუხედავად იმისა, სიმსივნე კეთილთვისებიანია თუ ავთვისებიანი, მას მაინც შეიძლება ჰქონდეს გავლენა ტვინის ფუნქციონირებაზე. თუნდაც კეთილთვისებიანი, მაგრამ დიდი ზომის სიმსივნე შეიძლება ზედმეტად დააწვეს სისხლძარღვებს და ნერვებს, რაც ტვინის ფუნქციონირებას საგრძნობლად შეაფერხებს.

ტვინში განვითარებულ სიმსივნეებს პირველადი სიმსივნეები ეწოდება. სიმსივნეებს, რომლებიც ტვინიდან სხვადასხვა ორგანოებში ვრცელდება, მეორადი ან ტვინის მეტასტაზური სიმსივნეები ეწოდება.

ჯანმრთელობის მსოფლიო ორგანიზაციის (WHO) მიხედვით, ტვინის სიმსივნეები იყოფა ხარისხებად. ქვემოთ მოცემულ ცხრილში შეგიძლიათ გაეცნოთ თავის ტვინის სიმსივნეების ხარისხებს და მახასიათებლებს.

დაბალი ხარისხის სიმსივნეები	ხარისხი I	კეთილთვისებიანი სავარაუდოდ განკურნებადი, მხოლოდ ოპერაციით პაციენტის სიცოცხლის დიდი ხნით შენარჩუნება ნელა მზარდი სიმსივნე	პილოციტური ასტროციტომა კრანიოფარინგიომა განგლიოციტომი განგლიოგლ
	ხარისხი II	საკმაოდ ნელა მზარდი სიმსივნე შეიძლება ჰქონდეს რეციდივი	“დიფუზური” ასტროციტომა პინეოციტომი ოლიგოდენდროგლიომა
მაღალი ხარისხის სიმსივნეები	ხარისხი III	ავთვისებიანი გავრცელებადი მაღალია შანსი რომ ჰქონდეს რეციდივი	ანაპლასტიკური ასტროციტომა ანაპლასტიკური ეპენდიმომა ანაპლასტიკური ოლიგოდენდროგლიომა
	ხარისხი IV	ყველაზე ავთვისებიანი სწაფად მზარდი, აგრესიული ფართოდ გავრცელებადი ხშირი რეციდივი ნეკროზისადმი მიდრეკილი	მულტიფორმული გლიობასტომა (GBM) პინეობლასტომა მედულობლასტომა ეპენდიმობლასტომა

თავის ტვინის სიმსივნე-სტადიები

თავის ტვინის სიმსივნეების შეფასება და კლასიფიცირება ხდება იმის მიხედვით, თუ რამდენად სწრაფად იზრდება.

თავის ტვინის სიმსივნეების 2 ძირითადი ტიპი არსებობს:

თავის ტვინის კეთილთვისებიანი სიმსივნეები – ეს არის დაბალი ანუ 1 და 2 ხარისხის სიმსივნეები. ისინი ნელა იზრდებიან და მკურნალობის შემდეგ რეციდივის შემთხვევებიც ნაკლებია.

თავის ტვინის ავთვისებიანი სიმსივნეები – ეს არის მაღალი ანუ 3 ან 4 ხარისხის სიმსივნეებ. ისინი პირველადად თავის ტვინში წარმოიქმნებიან და შემდეგ ვრცელდებიან სხეულის სხვა ორგანოებში.

თავის ტვინის სიმსივნის სიმპტომები

თავის ტვინის სიმსივნის სიმპტომები დამოკიდებულია სიმსივნის ლოკაციასა, ზომაზე და ხარისხზე.

ძირითადი სიმპტომები მოცემულია ქვემოთ

ხშირი და ძლიერი თავის ტკივილი
თავის ტკივილი დილაობით
შაკიკი
მეხსიერების პრობლემები
მხედველობის პრობლემები
კოორდინაციის დარღვევა
მეტყველების პრობლემები
გულისრევა
მუდმივი დაღლილობის შეგრძნება
კრუნჩხვები
თავბრუსხვევა

თავის ტვინის ავთვისებიანი სიმსივნეების სიმპტომები სწრაფად პროგრესირებს. სიმპტომის გამოვლენიდან მდგომარეობა შეიძლება გართულდეს რამდენიმე კვირაში ან დღეშიც კი.

თავის ტვინის სიმსივნით გამოწვეული თავის ტკივილი

თავის ტვინის სიმსივნე ყველაზე ხშირად თავის ტკივილით ვლინდება. თავის ტვინის სიმსივნით დაავადებული ადამიანების თითქმის ნახევარს აწუხებს თავის ტკივილი.

თავის ტვინის სიმსივნით გამოწვეული თავის ტკივილი ძირითადად დილით ვლინდება ან დილით აქვს ყველაზე მწვავე ხასიათი. აგრეთვე, ტკივილი შეიძლება იმატებდეს დახველებისას და დაცემინებისას.